दिल्लीमा फेरि एक हप्ता लकडाउन थपियो

टुडेपाटी-

नयाँदिल्ली, वैशाख १२ गते ।

दिल्लीमा आज फेरि एक हप्ता लकडाउनको अवधि थप हुने घोषणा भएको छ । सोमबार बिहान समाप्त हुने भनिएको लकडाउनको अवधि थपिएको हो ।

अहिले कोरोनाको हटस्पट भारतमा दैनिक साढे ३ लाखको दरले कोरोना संक्रमित थपिरहेका छन् भने २ हजारभन्दा बढीको मृत्यु भइरहेको छ ।

कोरोनाको खतरालाई मध्यनजर गर्दै फेरि एकहप्ता लकडाउन थप गरिएको दिल्लीका मुख्यमन्त्री अरविन्द केजरीवालले बताएका छन् ।

यसअघि गत सोमबार मात्र एकहप्ताको लागि लकडाउन घोषणा भएको थियो । दिल्लीमा लगातार १४ दिन लकडाउन लागू भएको हो ।