नेपालमा दुबै डोज कोरोना खोप लिएका चिकित्सकलाई संक्रमण, खोप लगाएकालाई पनि जोखिम यथावतै

टुडेपाटी-
जनकपुरधाम, वैशाख ११ गते ।

नेपालमा दुबै डोज कोरोनाको खोप लगाएका एक व्यक्तिमा कोरोना संक्रमण देखिएको छ । दुबै डोज लगाएका ग्राण्डी अस्पतालका चिकित्सक डा. विपिन नेपाललाई कोरोना संक्रमण भएको हो ।

उनकी पत्नी समेत संक्रमित भएकी छन् । शुक्रबार काठमाडौंको केएमसी अस्पतालको ल्याबमा परीक्षण गराउँदा उनीहरुको रिपोर्ट पोजेटिभ आएको हो ।

उनले पहिलोचरणमै स्वास्थ्यकर्मी भएको नाताले कोरोना खोपको पहिलो डोज लगाएका थिए । उनले गएको बैशाख ८ गते दोस्रो डोज खोप लगाएका थिए ।

दुबै डोज भ्याक्सिन लिएका स्वास्थ्यकर्मी कोरोना संक्रमित हुनुले खोप लगाइसकेपछि पनि जोखिम यथावतै रहन्छ भन्ने स्पष्ट भएको स्वास्थ्यकर्मी बताउँछन् ।