सिरहामा अपरिचित युवकको शव फेला, हत्याको आशंका

टुडेपाटी–

सिरहा, वैशाख ११ गते ।

सिरहामा एक अपरिचित युवकको शव फेला परेको छ ।

लहान नगरपालिका ३ बलान नदी नजिककै अन्दाजी ३५ वर्षको जस्तो देखिने अपरिचित युवकको शव फेला परेको हो ।

युवकको हत्या गरी फालिएको हुनसक्ने प्रहरीको अनुमान छ ।

प्रहरीले आवश्यक प्रकृया पुरा गरी युवकको शव पोष्टमार्टमका लागि रामकुमार उमाप्रसाद स्मारक अस्पतालमा राखेको छ ।

घटनाबारे थप अनुसन्धान भैरहेको जिल्ला प्रहरी कार्यालय सिरहाले जानाएको छ।