जलेश्वरबाट जनकपुर आउँदै गरेको बसले दुई मोटरसाइकल र एक स्कुटरलाई ठक्कर दियो, चारजना गम्भीर

टुडेपाटी-
जनकपुरधाम, वैशाख ९ गते ।

जनकपुर-जलेश्वर सडक खण्डमा यात्रुबाहक बसले मोटरसाइकल र स्कुटरलाई ठक्कर दिँदा चारजना गम्भीर घाइते भएका छन् ।

जलेश्वरबाट जनकपुरतर्फ आउँदै गरेको ना ८ ख ७२०३ नम्बरको बसले विपरीत दिशाबाट आइरहेका दुईवटा मोटरसाइकल र जनकपुरतर्फ जाँदै गरेको स्कुटरलाई पीपराको बण्डोलबामम ठक्कर दिएको हो।

दुर्घटनामा घाइते भएका मोटरसाइकल र स्कुटरमा सवार चारैजनालाई उपचारका लागि प्रादेशिक अस्पताल जनकपुर पठाइएको जिल्ला प्रहरी कार्यालय महोत्तरीले जनाएको छ।

दुर्घटनापछि आक्रोशित स्थानीयले बसमा तोडफोड गर्नुका साथै सडक अवरुद्ध पारेका छन् छन् ।