महोत्तरीमा नेपाली सेनाको जिप खोल्सामा खस्यो, ५ सैनिक घाइते

टुडेपाटी-
जनकपुरधाम, चैत ३१ गते ।

महोत्तरीमा नेपाली सेनाको जिप दुर्घटना हुँदा ५ सैनिक घाइते भएका छन् । घाइते मध्ये २ जनाको अवस्था गम्भीर छ ।

नेपाली सेना सवार बा २ झ ४६३ नम्बरको जिप धनुषाबाट बर्दिबासतर्फ जाँदै अनियन्त्रित भई खोल्सामा खसरे दुर्घटना भएको हो ।

दुर्घटनामा परी ३३ वर्षीय जमदार बुद्धमान राई, ३४ वर्षीय अमल्दार सन्तोष विष्ट, ३४ वर्षीय प्युठ अमल थापा, २४ वर्षीय दशरथ थारु र ३८ वर्षीय गाडी चालक चेतराज राई घाइते भएको जिल्ला ट्राफिक प्रहरी कार्यालय बर्दिबासका प्रहरी निरीक्षक कैलाश खत्रीले जानकारी दिए ।

उनका अनुसार दुर्घटनामा परी सामान्य घाइते भएकाहरूको बर्दिबासस्थित जनसेवा हस्पिटलमा उपचार भइरहेको छ भने गम्भीर घाइतेलाई थप उपचारका लागि हेलिकोप्टरमार्फत काठमाडौं पठाउन लागिएको छ ।

नेपाली सेनाहरु मध्यपूर्वी पृतना तालिम शिक्षालय धारापानीबाट तालिम लिएर फर्किरहेको बेला जिप दुर्घटना भएको हो ।