प्रदेश २ मा आज थप १५ जनामा कोरोना संक्रमण, संक्रमितको संख्या १०७ पुग्यो
टुडेपाटी-
जनकपुरधाम,चैत २८ गते ।
प्रदेश २ मा कोरोना संक्रमित हुनेमा एक सय जना नाघेको छ ।
शनिबार थप १५ जनामा कोरोना संक्रमण पुष्टि भएसँगै कोरोना सक्रिय संक्रमितको संख्या १ सय ७ पुगेको स्वास्थ्य निर्देशनालय प्रदेश २ का निमित्त निर्देशक विजयकुमार झाले जानकारी दिए ।
Sponsored
पछिल्लो २४ घण्टामा ३७ जनाको पीसीआर टेस्ट गर्दा १५ जनामा कोरोना संक्रमण पुष्टि भएको स्वास्थ्य निर्देशनालय प्रदेश २ का वरिष्ठ चिकित्सक डा. कमलेशप्रसाद यादवले बताए ।
शनिबार बारामा ५ र पर्सामा १० जनामा कोरोना संक्रमण पुष्टि भएको छ ।
यससँगै यस प्रदेशमा कोरोेना संक्रमितको संख्या १०७ पुगेको छ ।
Sponsored
हाल पर्सामा सबैभन्दा बढी ५५ जना कोरोनाको सक्रिय संक्रमित छन् ।
त्यस्तै, बारामा ३१, धनुषामा १२, महोत्तरीमा ४, सर्लाहीमा २, सप्तरी, सिरहा र रौतहटमा १÷१ जनामा कोरोना संक्रमण पुष्टि भएको हो ।
