महोत्तरीमा घाँस काट्न जाँदा बेपत्ता भएका यी हुन् ७ बालिका तथा युवती, घरमा रुवाबासी

टुडेपाटी–

जनकपुरधाम,चैत १७ गते ।

महोत्तरीको भंगहा– ८ धरमपुरमा घाँस काट्न गएका ७ जना बालिका तथा युवती बेपत्ता भएका छन् ।

बेपत्ता हुनेहरुमा ११ वर्षीया अर्चना पासवान, १२ वर्षीया सिमा पासवान , १२ वर्षीया रञ्जना पासवान, १३ वर्षीया ज्योती पासवान, १३ वर्षीया रिया पासवान, १७ वर्षीया नगीना पासवान र २० वर्षीया अस्मिता पासवान रहेकी छन् ।

उनीहरु समूहमै घाँस काट्न घर नजिकैको चौरमा दिउँसो १ बजे न‌ गएपनि राति ११ बजेसम्म घर फर्केका छैनन् । घर नफर्किदा चिन्तामा परिवारजनमा रुवाबासी सुरु भएको छ भने गाउँले त्रसित बनेका छन् ।

राति ११ बजेसम्म बालिकाहरुको अवस्था अज्ञात रहेको र खोजि कार्य भइरहेको घटनास्थलमा पुगेका भंगहाका मेयर संजिव साहले टुडेपाटीलाई बताए ।

प्रहरीले खबर पाएलगत्तै खोजिकार्य गरिरहेको महोत्तरीका प्रहरी उपरीक्षक दिनेश आचार्यले बताए ।