भारत कोरोनाबाट सबैभन्दा बढी प्रभावित : एकै दिन ६२ हजार संक्रमित, ३ सयको मृत्यु

टुडेपाटी-

जनकपुरधाम, चैत १५ गते ।

भारत पछिल्लो समय कोरोना भाइरसबाट सबैभन्दा बढी प्रभावित बनेको देखिएको छ ।

भारतमा लगातार दोस्रो दिन ६२ हजारभन्दा बढी कोरोना संक्रमित थपिएका हुन् ।

बीबीसीहिन्दीका अनुसार गएको २४ घण्टामा भारतमा ६२ हजार ७१४ नयाँ संक्रमित थपिएका छन् ।

सोही अवधिमा कोरोनाबाट त्यहाँ ३१२ को मृत्यु भएको जानकारी दिइएको छ ।

यसअघि हिजोमात्र भारतमा ६२ हजारभन्दा बढी कोरोना संक्रमित थपिएका थिए ।

हाल कोरोनाको खतरा मध्यनजर गर्दै महाराष्ट्रमा राति कर्फ्यू जारी गरिएको छ भने दिल्लीमा मिनी लकडाउन लागू भएको छ ।