डिजेल पेट्रोलको मूल्य २ रुपैयाँले घट्यो

टुडेपाटी-

काठमाडौंं, चैत ३ गते ।

नेपाल आयल निगमले पेट्रोल, डिजेल/मट्टितेल र हवाई इन्धनको मूल्य घटाएको छ।

निगमले सोमबार राति १२ बजेबाट लागू हुने गरी पेट्रोल र डिजेल/मट्टितेलको मूल्य प्रतिलिटर २ रुपैयाँले  र हवाई इन्धनकाे मूल्य ४ रुपैयाँ ५० पैसाले घटाएको जनाएको छ । हवाई इन्धनकाे मूल्य भने आन्तरिक उडानका लागि मात्र लागू हुने निगमले जनाएकाे छ।

निगमले अन्तर्राष्ट्रिय बजारमा कच्चा तेलकाे मूल्यमा आएकाे गिरावटकाे कारण इन्डियन आयल कर्पाेरेशनबाट प्राप्त पेट्राेलियम पदार्थकाे मूल्य घटेर आएकाेले साेअनुसार नयाँ मूल्य लागू गरेकाे हो ।

नयाँ दरअनुसार पेट्राेलकाे खुद्रा मूल्य प्रतिलिटर १०६ रुपैयाँ, डिजेल/मट्टितेलकाे ९५ रुपैयाँ प्रतिलिटर र हवाई इन्धनकाे मूल्य ९० रुपैयाँ प्रतिलिटर कायम गरिएकाे छ ।