बोलेरो दुर्घटना हुँदा ४ जनाको ज्यान गयो, ८ घाइते

टुडेपाटी-
सिन्धुली, चैत ३ गते ।

सिन्धुलीमा बोलेरो दुर्घटना हुँदा चारजनाको ज्यान गएको छ । अन्य ८ जना घाइते भएका छन् ।

सिन्धुलीमाढी बजारबाट यात्रु लिएर कमलामाई नगरपालिका ७ बासकटेरी जादै गरेको बा १७ च १११७ नम्बरको डबल क्याप बोलेरो कमलामाई नगरपालिका ७ करङडाडाकै भित्ता स्थित ग्रामीण कच्ची सडकदेखि झण्डै चालिस मिटर तल खसेर दुर्घटना भएको हो ।

चारजनाको घटनास्थलमै मृत्यु भएको छ भने चालकसहित अन्य आठ जना घाइते भएको जिल्ला प्रहरी कार्यालयका प्रमुख एसपी आभुषण तिमल्सिनाले जानकारी दिए ।

उनका अनुसार १ जना भने गाडी अनियन्त्रित हुन थालेपछि हाम फालेर शकुसल बच्न सफल भएका छन् ।

मृत्यु हुनेमा सिन्धुलीकै कमलामाई नगरपालिका ७ बासकटेरीका अन्दाजी ६५ वर्षीय रुद्रबहादुर थापा, सोही स्थानकी १८ वर्षीया रिता एस्माली, १९ वर्षीया दुर्गा श्रेष्ठ र उनका दुई वर्षीय छोरा मनिस श्रेष्ठ रहेको जिल्ला प्रहरी कार्यालयले जनाएको छ ।

घटना विषयमा थप अनुसन्धान भइरहेको प्रहरीले जनाएको छ ।