फरार गापा अध्यक्षलाई कारबाहीको माग गर्दै बटेश्वरमा जसपाको मोटरसाइकल जूलूस

टुडेपाटी-
जनकपुरधाम, फागुन २५ गते ।

गाउँपालिका अध्यक्षको विरोधमा धनुषाको बटेश्वर गाउँपालिकामा जनता समाजवादी पार्टी (जसपा)ले प्रदर्शन गरको छ ।

आठ लाख रुपैयाँ घुस रकम फालेर फरार भएका बटेश्वर गाउँपालिका अध्यक्ष डम्बर बहादुर राउतलाई पक्राउ गरी कारबाहीको माग गर्दै जसपाले मंगलबार मोटरसाईल जूलूस प्रदर्शन गरेको हो ।

बटेश्वर बजारबाट दर्जनौ मोटरसाइकलको संख्यामा निस्केको जसपा नेता कार्यकर्ताहरुको जूलूस गाउँको विभिन्न भागमा प्रदर्शन गरेको जसपाका स्थानीय युवा नेता प्रदिप सिंहले जानकारी दिए ।

प्रदर्शनमा जसपाका युवा केन्द्रिय अजय राउत, स्थानीय जसपा नेता विरीलाल महतो लगायतको सहभागिता रहेको थियो ।