कर्णाली नदीमा एकै परिवारका ५ जना बेपत्ता भएकामध्ये ४ जनाको शव भेटियो

टुडेपाटी-

दैलेख, फागुन २५ गते ।

कर्णाली नदीमा एकै परिवारका ५ जना बेपत्ता भएकामध्ये ४ जनाको शव फेला परेको छ ।

दैलेख आठबीस नगरपालिका-३, निमाइल बस्ने मानसिंह बडुवालकी छोरी  १२ वर्षीया सरिता बडुवाल, १४ वर्षीया छोरी कल्पना बडुवाल, उनकी श्रीमती ३५ वर्षीया श्रीमती सुखी बडुवाल र वर्ष १० का छोरा ललित बडुवालको शव फेला परेको प्रहरीले जनाएको छ । 

पाँच जनामध्ये ७ वर्षीया छोरी रजनी बडुवालको खोजीकार्य भैरहेको दैलेखका प्रहरी प्रमुख अनुपम श्रेष्ठले जानकारी दिए ।

मदिरा सेवन गर्ने गरेका श्रीमानले दिने गरेको यातना सहन नसक्दा ४ सन्तानसहित सुखी बडुवाल सोमबार कर्णाली नदीमा हेलिएकी थिइन्‌ ।