धनगढीको एक फर्निचर उद्योगमा भीषण आगलागी

 

टुडेपाटी-
धनगढी, फागुन २२ गते ।

कैलालीको धनगढीमा रहेको एक फर्निचर उद्योगमा आगलागी भीषण भएको छ । उपमहानगरपालिकाको वडा नम्बर-४ चटकपुरमा रहेको आलोक मल्टी कन्सर्न प्रालिमा आगलागी भएको हो ।

आगलागीबाट उद्योगमा ठूलो क्षति पुगेको अनुमान छ । घटनास्थलमा दमकल आइसकेपनि अहिलेसम्म आगलागी नियन्त्रणमा आउन सकेको छैन । घटनास्थल आयल निगमको डिपो नजिकै रहेको छ ।