मान्छेकै जस्तो अनुहार भएको माछा भेटियो

एजेन्सी-
जनकपुरधाम, फागुन १६ गते ।

इन्डोनेसियामा मान्छेको जस्तै अनुहार भएको माछा फेला परेको छ । इन्डोनेसियाका ४८ वर्षीय अब्दुल्ला नुरन नामका व्यक्तिले उक्त अनौठो माछा पक्रेका हुन् ।

अब्दुल्लाको दाबी छ– मैले पूर्वी नुसा तेङ्गारा प्रान्तमा एक सार्क माछा पक्रेको थिएँ, जुन गर्भवती थियो । जब उसको पेट चिरियो तब तीनवटा बच्चा फेला परे। जसमध्ये दुइटा सार्ककै बच्चा जस्ता छन्, तर एउटाको मुख भने मान्छेको अनुहारसँग मिल्दाजुल्दो छ ।

अब्दुल्लाका अनुसार सार्कको एउटा बच्चामा मानिसका जस्तै ओंठ र आँखा छन् ।

जब यस्तो माछा घरमा ल्याए तब उनको परिवारका सदस्य अचम्ममा परे। अहिले त्यो माछा हेर्न उनको घरमा मानिसको भीड लागेको छ ।

कतिपयले त्यो माछा किन्न मागेका छन् । तर आफू बेच्न नचाहने उनले बताएका छन् । उनी भन्छन्, ‘मलाई लाग्छ यो माछा मेरा लागि भाग्यशाली साबित हुनेछ ।’ स्रोत ः दैनिक भास्कर