प्रदेश २ : सुतेकै ठाउँबाट झा दम्पति बेपत्ता, ओछ्यानमा रगत, स्थानीयद्वारा सडक अवरुद्ध

टुडेपाटी-
जनकपुरधाम, फागुन ११ गते ।

महोतरीको पिपरा गाउँपालिका–५ सहोडवामा राति सुतेका दाम्पति बेपत्ता भएका छन् । सुतेकै ठाउँमा भने रगतको छिटा भेटिएको छ ।

सहोडवाका ६५ वर्षीय मोसाफिर झा र ६० वर्षीय गिता देवी वेपता भएको महोत्तरीका प्रहरी उपरीक्षक टीका केसीले जानकारी दिए । उनका अनुसार दुवै जना सुतेको ठाउमा रगत भेटिएको छ ।

बेपत्ता दुबैजनाको तिव्र खोजी भइरहेको उपरीक्षक केसीले बताए ।

झा मालपोत कार्यालयका अवकाश प्राप्त कर्मचारी हुन् । राति खाना खाएर श्रीमान् श्रीमती बेग्ला बेग्लै कोठामा सुतेकी थिइन् । घरमा एक बुहारी र नातिनातिना छन् । बिहानै उठ्दा सासु ससुरालाई ओछ्यानमा नदेखेपछि बुहारीले स्थानीयलाई जानकारी गराएकी थिइन् ।

‘घटना शंकास्पद देखिएको छ’ प्ररही उपरीक्षक केसीले टुडेपाटीसंग भने ‘घटनाको सुक्ष्म अनुसन्धानको लागि प्रदेश प्रहरी कार्यालयबाट विशेष तालिम प्राप्त कुकुर (डगटोली ) पनि घटनास्थलमा आएर अनुसन्धान गरिरहेको छ’

प्रहरी झाको घरमा थप अनुसन्धान गरिरहेको प्रहरी उपरीक्षक केसिले बताए । स्थानियका अनुसार मोहि जग्गा विवादका झा साक्षि हुन् ।

जग्ग मुद्दा अदालतमा विचाराधीन अवस्थामा छ ।

जग्गा संग सम्बन्धि व्यक्तिसंग झाको विवाद भएका थिए । झा दम्पतिको खोजविनको माग गर्दै बिहानैदेखि स्थानीयले जनकपुर–जनकपुर सडक अबरुद्ध गरेका छन् ।