‘प्रतिगमन’ भन्दै ओलीको पुत्ला बनाएर विद्यार्थीहरुले गरे जुत्ता प्रहार

टुडेपाटी-
काठमाडौं, फागुन १० गते ।

नेपाल कम्युनिष्ट पार्टी (नेकपा) प्रचण्ड–माधव नेपाल पक्षधर विदार्थीहरुले प्रधानमन्त्री केपी ओलीको पुतलामाथि जुत्ता प्रहार गरेका छन् ।

काठमाडौंको नारायणहिटी सङ्ग्रहालय अगाडि सोमबार भेला भएका अनेरास्ववियूका विद्यार्थीहरुले प्रधानमन्त्री ओलीको पुत्लबा बनाएर जुत्ता प्रहार गरेका हुन् ।
ओलीलाई ‘प्रतिगमन’को प्रतीक भन्दै विद्यार्थीहरुले पुतला बनाएर उनीहरुले जुत्ता हानेका छन् ।

अनेरास्ववियूका सहसंयोजक रञ्जित तामाङलको नेतृत्वमा विद्यार्थीहरुले ओलीको पुत्लामाथि जुत्ता प्रहार गद प्रतिमगन मुर्दावाद लगायतका नाराबाजी गरेका थिए ।

संयोजक तामाङले ओलीले प्रतिनिधि सभा विघटन लगायतका कदम प्रतिगमनकारी भएकाले सांकेतिक रुपमा पुत्ला बनाएर जुत्ता प्रहार गरेको उनले बताए ।

गएको पुस ५ गते प्रतिनिधिसभा विघटन गरेपछि प्रधामन्त्री ओली विरुद्ध नेकपा प्रचण्ड—माधव समूह, नेपाली काँग्रेस र जनता समाजवादी पार्टीले संसद पुनरस्थापनाको माग गर्दै आन्दोलन गर्दै आएका छन् ।