नेकपा प्रचण्ड-माधव समूहका स्व. नेता डाचाराज वाग्लेको स्मारक शिलान्यास

टुडेपाटी-
जनकपुरधाम, फागुन ६ गते ।

नेपाल कम्युनिष्ट पार्टी नेकपा प्रचण्ड नेपाल खेमाका सर्लाही इन्चार्ज एवं केन्द्रीय सदस्य स्व. डाचाराज वाग्लेको सालिक निर्माणको शिलान्यास गरिएको छ ।

बिहीबार नेकपा प्रचण्ड नेपाल समूहका केन्द्रीय अध्यक्ष पुष्पकमल दाहाल प्रचण्ड र अर्का माधवकुमार नेपालले संयुक्त रुपमा सर्लाहीको मूर्तिया चोकमा स्व. नेता वाग्लेको सालिकको शिलान्यास गरेका हुन् ।

बिहीबार मध्यान्ह सर्लाहीको हरिपुर नगरपालिका-१ हजारविघामा आएका डाचाराज वाग्लेको तेह्रौं पुण्यतिथिको अवसरमा आयोजित श्रद्धाञ्जली सभामा सम्बोधन गर्न नेकपा प्रचण्ड समूहका दुबै केन्द्रीय अध्यक्ष सर्लाही आईपुगेका छन् ।

शालिक शिलान्यास गरे लगतै उनीहरु स्व। वाग्लेको घरमा पुगेर परिवारजनलाई भेटेका थिए ।

भेटघाट पश्चात् हरिपुर नगरपालिका–१, हजारविगाहस्थित पाँचकुमारी माध्यमिक विद्यालय परिसरमा सभा सुरु भएका छन् ।