जसपाले फागुन ९ गते देशभर प्रदर्शन र विरोधसभा गर्ने

टुडेपाटी-
जनकपुरधाम, फागुन ६ गते ।

जनता समाजवादी पार्टी (जसपा) ले फागुन ९ गते देशभर जनप्रदर्शन  र  विरोध सभा गर्ने भएको छ ।

प्रतिनिधिसभा विघटनविरुद्ध जसपाले जनप्रदर्शन गर्न लागेको हो ।

पार्टी प्रचार विभाग प्रमुख डम्बर खतिवडाले एक प्रेस विज्ञप्ति जारी गर्दै ‘जननिर्वाचित प्रतिनिधिसभा विघटन गर्ने प्रतिगमनकारी कदमविरुद्ध’को जनप्रदर्शनमा सहभागी हुन अनुरोध गरेका छन् । 

देशभरका सम्पूर्ण महानगरपालिका, उपमहानगरपालिका, नगरपालिका र गाउँपालिकामा जनप्रदर्शन र विरोध सभा गरिने उनले बताएका छन् ।