जसपाद्वारा जनकपुरसहित देशभर मसाल जुलुस प्रदर्शन

टुडेपाटी-
जनकपुरधाम, माघ २८ गते ।

संसद विघटन विरुद्ध जनता समाजवादी पार्टी (जसपा) नेपालले बुधबार साँझ जनकपुरसहित देशभर मशाल जुलुस प्रदर्शन गरेको छ ।

पार्टीको पूर्वनिर्धारित कार्यक्रम अनुसार जसपाका नेता कार्यकर्ताले आज प्रदेश २ सहित देशभर मशाल जुलुस प्रदर्शन गरेका हुन् ।

जनकपुरको रेल्वे स्टेशनबाट निकालिएको मशाल जुलुस जनकचोकमा आएर सम्पन्न भएको थियो ।

संसद विघटन पुनरस्थापना गर, संवैधानिक निकायमा गरेको अवैधानिक नियुक्ति खारेज गर, अोली सरकार मुर्दावाद लगायतको नारासहित नेता कार्यकर्ताले मशाल जुलुस गरेका थिए ।

जनकपुरमा भएको प्रदर्शनामा प्रहरीले जसपाका नेता कार्यकर्ताहरूमाथि बल समेत प्रयोग गरेको थियो ।

यसैगरी जसपाले धनुषाको ढल्केवर, महोत्तरीको सम्सी, सर्लाहीको मलंगवा, लगायत प्रदेश २ का जिल्ला र स्थानीय तहमा मसाल जुलुस प्रदर्शन गरेका छन् ।

जसपाले यसअघि नै जिल्ला स्तरमा माघ २३ गते जनप्रदर्शन, २५ गते पुत्ला दहन र २८ गते मसाल जुलुस प्रदर्शन गर्ने कार्यक्रम घोषणा गरेको थियो ।