प्रदेश २ का सांसदहरुको राजनीतिक यात्रा र उद्येश्य सहितको पुस्तक सार्वजनिक

टुडेपाटी-

जनकपुरधाम, माघ २२ गते ।

प्रदेश २ का प्रदेश प्रमुख तिलक परियारले प्रदेश सभाका सांसदहरुको परिचय समेटिएको पुस्तक सार्वजनिक गरेका छन ।

प्रदेश सभाको तेश्रो वार्षिक उत्सवको अवसरमा बुधबार संसद सहयोग परियोजना संयुक्त राष्ट्रसंघीय विकास कार्याक्रमको सहयोगमा प्रकाशित पुस्तक प्रदेश प्रमुख परियारले सार्वजनिक गरेका हुन् ।

पुस्तकमा प्रदेशसभाका १ सय ७ जना सांसदहरुको परिचय सहित संक्षिप्त विवरण समेटिएको छ ।

संघियता स्थापनपछि प्रथम प्रदेश सभामा प्रतिनिधित्व गरेका सांसदहरुको व्यक्तिगत विवरण, राजनीति यात्रा र उद्येश्य समेटर प्रदेश सभाका माननीय सदस्यहरुको संक्षिप्त परिचय प्रकाशन गरिएको संयुक्त राष्ट्रसंघीय विकास कार्याक्रम अन्र्तगत संसद सहयोग परियोजनाका प्रदेश २ प्रतिनिधि बिटुबाबु श्रीवास्तवले बताए ।

प्रदेश सांसहरुको बारेमा जानकारी पाउन पुस्तक प्रभावकारी हुने उनले बताए ।

१ सय ७ पृष्टको प्रदेश सभाका सांसदहरुको परिचय समेटिएको पुस्तक तयारीकालागि प्रदेश सभाको नियमित रिपोर्टिङ्ग गर्ने पत्रकारहरु अजित तिवारी, सन्तोष सिंह, सुरेश यादव, इश्वरचन्द्र झा, श्रवण देव, हदिश खुद्दार, सन्तोष यादव, रोहित महतो र कमलेश ठाकुर लगायतकाले सांसदहरुको बारेमा खोज गरी जानकारी संकलन गरेका थिए ।