जसपाका केन्द्रिय सदस्य यादव ओली समुहमा लागे, सचेतक सहितका प्रभावशाली नेता प्रवेशको तयारीमा

टुडेपाटी-

जनकपुरधाम, माघ २१ गते ।

जनता समाजवादी पार्टी (जसपा) नेपालका केन्द्रिय सदस्य डा. शिवजी यादव नेकपा ओली समुहमा प्रवेश गरेका छन् ।

नेकपा अध्यक्ष तथा प्रधानमन्त्री केपी शर्मा ओलीले अबेरराति डा. यादवलाई खादा लगाएर पार्टीमा स्वागत गरेका छन् ।

यादव तत्कालीन फोरम नेपालका सचेतक र पुर्व संविधानसभा सदस्य समेत रहिसकेका छन् ।

जसपा नेता डा.सुरेनद्र यादवको क्षेत्रका निवासी लामो समयदेखि जसपाको नेतृत्वबाट असन्तुष्ट थिए ।

जसपाका विघटित प्रतिनिधिसभाका सांसद तथा सचेतक उमाशंकर अरगरिया, प्रदिप यादव लगायतका प्रभावशाली नेताहरु समेत ओली समुहमा प्रवेश गर्ने चर्चा चलिरहँदा यादवको प्रवेशले थप सम्भावना बढेको देखिएको छ ।

प्रतिनिधिसभाको निर्वाचनअघि जसपाका धेरै नेता ओली समुहमा प्रवेश गर्ने तयारी भइरहेको नेकपाका एक नेताले बताए ।