भंगहा मेयर गोल्डकप : बागमतीलाई २ गोलले पराजित गर्दै हेटौडा सेमिफाइनलमा प्रवेश

टुडेपाटी-
महोत्तरी, माघ २० गते ।

महोत्तरीको भंगहामा जारी मेयर गोल्डकप २०७७ फुटबल खेलमा मंगलबार एएफपी विजय युथ क्लब हेटौंडा विजयी भएको छ ।

चौथो क्वाटर फाइनल खेलमा विजय युथ क्लब हेटौंडाले
बाग्मती युवा क्लब सर्लाहीलाई शून्यका विरुद्ध २ गोलले पराजित गरेको हो ।

जितसँगै हेटौंडा सेमिफाइनलमा पुगेको छ ।

 विजयी टिमका तर्फबाट अफ्रिकन खेलाडी लुइस भिडालले खेलको ४६ औं मिनटमा गोल गर्दै अग्रता दिलाएका थिए भने दोस्रो गोल बिमल रानामगरले इन्जुरी समयमा गरेका थिए ।

मंगलबार भएको खेलको ‘म्यान अफ द म्याच’ विजयी टिमका लुइस भिडाल भएका छन् । उनलाई नगद पाँच हजार र कप प्रदान गरिएको छ ।

प्रदेश– २ कै सर्वाधिक पुरस्कार राशीको प्रथम मेयर गोल्डकपको भोलि बुधबार पहिलो सेमिफानल खेल त्रिभूवन आर्मी क्लब काठमाडौं र बेङ्खाडी महोत्तरीबीच हुने अायोजक भंगहा नगरपालिकाका मेयर संजिव साहले जानकारी दिए ।