धनुषामा बसको ठक्करबाट साइकलयात्रीको मृत्यु
टुडेपाटी-
जनकपुरधाम, माघ १६ गते ।
धनुषामा बसको ठक्करबाट गम्भीर घाइते भएका साइकलयात्रीको मृत्यु भएको छ । धनुषाको लक्ष्मीनिया गाउँपालिका ३ का ५० वर्षीय दिपचन्द्र यादवको मृत्यु भएको हो ।
शुक्रबार बिहान लक्ष्मीनिया गाउँपालिका ४ सपहीस्थित सडकमा ना.४ ख १०६९ नम्बरको बसले उनी सवार साइकललाई ठक्कर दिँदा उनी गम्भीर घाइते भएका थिए । बसको ठक्करबाट गम्भीर घाइते भएका उनको जानकी हेल्थ केयर अस्पताल जनकपुरमा उपचारको क्रममा मृत्यु भएको प्रहरीले जनाएको छ ।
Sponsored
बस र चालकलाई नियन्त्रणमा लिई यस सम्बन्धमा प्रहरीले थप अनुसन्धान गरिरहेको छ ।
