बस अनियन्त्रित भएर दुर्घटना हुँदा १५ यात्रु घाइते, ७ गम्भीर

टुडेपाटी-
जनकपुरधाम, माघ १६ गते ।

मकवानपुरमा बस दुर्घटना हुँदा १५ जना घाइते भएका छन् । जस मध्ये ७ जनाको अवस्था गम्भीर रहेको प्रहरीले जनाएको छ ।

शुक्रबार बिहान ९ बजे धरान–चतरा सडकखण्डको बकैया गाउँपालिका–४, छतिवनमा ना.३ ख ३३४४ नम्बरको बस दुर्घटना भएको हो । बस मकवानपुरको धियाँलबाट हेटौंडा गइरहेको थियो ।

दुर्घटनामा गम्भीर घाइते ७ जनालाई उपचारको लागि हेटौडा रेफर गरिएको छ भने अन्यको स्थानीय स्तरमै उपचार भइरहेको प्रहरी चौकी छतिवनका प्रहरीले जनाएको छ ।

दुर्घटना लगतै पुगेर प्रहरीले घाइतेहरुको उद्धार गरेका छन् । गम्भिर घाइते भएकाहरुको टाउकोमा चोट लागेको प्रहरीले जनाएको छ ।