जनकपुर यातायात व्यवस्था कार्यालयमा अख्तियारको छापा

टुडेपाटी-
जनकपुरधाम, माघ १३ गते ।

यातायात व्यवस्था कार्यालय जनकपुरमा अख्तियारले छापामारी गरेको छ ।

मंगलबार अपराह्न ५ बजेदेखि अख्तियार दुरुपयोग अनुसन्धान अायोग बर्दिबासको टोलिले जनकपुरधाम उपमहानगरपालिका १४ मुजेलियामा रहेको यातायात कार्यालयमा छापामारी गरिरहेको छ ।

सेवाग्राहीसँग घुस वापत लिएको मोटो रकम कार्यालयमै रहेको सूचनाको आधारमा अख्तियारको टोलीले हालसम्म छापामारी जारी नै राखेको हो ।

प्रहरीसहित ५ वटा गाडीमा अाएको अख्तियारको टोलिले कार्यालय भित्र विभिन्न कागजात चेक गरिरहेको जनाएको छ ।

टोलीले केही कर्मचारीलाई कार्यालय भित्रै नियन्त्रणमा लिएर खोज अनुसन्धान गरिरहेका छन् ।

कर्मचारीहरुले बिचौलियाको सेटिंगमा यातायात व्यवस्था कार्यालयमा व्यापक घुसखोरी, भ्रष्टाचार गरिरहेको जनगुनासो छ ।

यातायातमा सवारी चालक अनुमती पत्र किनबेच भइरहेको कार्यालय श्रोताले जनाएको छ ।