TodayPati

प्रदेश प्रमुख परियारले गरे थप २ वटा विधेयक प्रमाणीकरण

टुडेपाटी-
जनकपुरधाम, पुस २९ गते ।

प्रदेश २ मा थप दुईवटा विधेयक प्रमाणीकरण भएको छ । प्रदेश प्रमुख तिलक परियारले प्रमाणीकरण गरेका हुन् ।

प्रदेश उद्योग व्यवस्थापनका सम्बन्धमा व्यवस्था गर्न बनेको विधेयक र बालबालिकाको हक-अधिकारको सम्बन्धमा व्यवस्था गर्न बनेको दुवै विधेयक बुधबार एकैपटक प्रमाणीकरण भएको छ ।

Sponsored

नेपालको संविधानको धारा २०१ को उपधारा २ बमोजिम प्रदेश प्रमुखले दुवै विधेयक प्रमाणीकरण गरेको प्रदेश प्रमुख कार्यालयले जनाएको छ । यो दुवै विधेयक केही महिनाअघि प्रदेश सभाबाट पारित भएर प्रमाणीकरणका लागि प्रदेश प्रमुखको कार्यालयमा पठाइएको थियो ।

प्रदेश प्रमुखका रुपमा परियार आएपछि उनले यी दुईसहित १६ वटा विधेयक प्रमाणीकरण गरेका छन् । योसँगै प्रदेशमा प्रमाणीकरण हुने विधेयकको संख्या ३८ पुगेको छ ।

Sponsored

टुडेपाटी

‘जनताको सँच्चा पहरेदार, ताजा–ताजा समाचार’ - टुडेपाटी

Leave a Reply

Your email address will not be published. Required fields are marked *