धनुषामा मोटरसाइकललाई ठक्कर दिदाँ २ जनाको ज्यान गयो

टुडेपाटी-
जनकपुरधाम, फागुन २३ गते ।

धनुषामा नम्बर नखुलेको सवारी साधनकोे ठक्करबाट मोटरसाइकलमा सवार २ जनाको मृत्यु भएको छ । मृत्यु हुनेमा धनुषाको हँसपुर नगरपालिका ३ का अन्दाजी २५ वर्षीय सुनिल कापड र सोही ठाउँका अन्दाजी २५ वर्षको सुबोध कापड छन् ।

धनुषाको धनुषाधाम नगरपालिका ८ मा बिहीबार साँझ साढे सात बजे नम्बर नखुलेको सवारी साधनले उनीहरु सवार अनटेष्ट मोटरसाइकललाई ठक्कर दिएको थियो ।

Sponsored

ठक्कर दिने सवारी साधन र त्यसको चालकको खोजी भइरहेको इलाका प्रहरी कार्यालय ढल्केबरले जनाएको छ ।