कोरोना फैलिने त्रासले ५४ हजार कैदीबन्दी रिहा

इरान, फागुन २१ गते ।

विश्वभरि फैलिदै गएको खतरनाक रोग कोरोना भाइरसको त्रासले इरानले ५४ हजार कैदीबन्दीलाई रिहा गरेको छ । धेरै चाप भएका कारागारहरूमा कोरोना भाइरसको सङ्क्रमण नफैलियोस भन्दै ५४ हजार कैदीबन्दीलाई रिहा गरिएको हो ।

इरानी न्यायपालिकाका प्रवक्ता घोलाम होसिन इस्माइलीले परीक्षणबाट कोरोना नभएको पुष्टि भएकाहरुलाई केही दिनका लागि छाडिएको बताएको बीबीसीले जनाएको छ ।
पाँच वर्षभन्दा बढी जेल सजाय सुनाइएका र सुरक्षासँग सम्बन्धित कैदीहरुलाई भने छाडिएको छैन ।

Sponsored