बर्दिबास फेरि बन्द, प्रदर्शन जारी

टुडेपाटी–

जनकपुरधाम, मंसिर ११ गते ।

बर्दिबास बजार बिहीबार दिउँसोदेखि फेरि बन्द भएको छ । स्थानीयबासिन्दाले दिउँसो प्रहरी प्रशासन विरुद्ध प्रदर्शन गर्दै पुनः बजार र राजमार्ग पूर्ण रुपले बन्द गराएका हुन् ।

बुधबार साँझ स्थानीय प्रशासन र सर्वपक्षीय बार्ता समितिबीच चार बुँदे सहमति भएपछि साँझदेखि यातायात र बिहानदेखि बजार पनि खुलेको थियो । तर दिउँसोदेखि सहमतिबाट असन्तुष्ट स्थानीय बासिन्दा ६ वर्षीया बालिका गुलाबशा खातुनको बलात्कार पश्चात हत्या र प्रहरीको गोली लागेर मृत्यु भएका संजयन न्यौपानेको घटना विरुद्ध प्रदर्शनमा उत्रेका हुन् ।

उनीहरुले पुनः राजमार्ग र बजार बन्द गराउँदै दोषीमाथि कडा कारबाहीको माग गर्दै प्रदर्शन गरिरहेका छन् ।