भारतमा कोरोना संक्रमितको संख्या ९० लाख नाघ्यो

एजेन्सी-
जनकपुरधाम, मंसिर ६ गते ।

भारतमा शुक्रबार मात्रै ४५ हजार ८ सय ८२ जना नयाँ संक्रमित थपिएका हुन् । कुल संक्रमणमुक्त भएकाहरूको संख्या भने ८४ लाख भन्दा बढी रहेको छ ।

भारतमा संक्रमणमुक्त भएकहरूको दर ९३.६ प्रतिशत रहेको केन्द्रीय स्वास्थ्य तथा जनसंख्या मन्त्रालयले जनाइएको छ ।

मन्त्रालयका अनुसार अहिलेसम्म कुल ९० लाख ४ हजार ३ सय ६५ जना सङ्क्रमित भएका हुन भने कुल १ लाख ३२ हजार १ सय ६२ जनाको मृत्यु भएको छ । तीमध्ये ५८४ जनाको पछिल्लो २४ घण्टामा मृत्यु भएको हो ।

भारतमा अहिले पनि संक्रमित अवस्थामै रहेकाहरूको संख्या चार लाख ४३ हजार ७९४ रहेको छ ।