प्रधानमन्त्री ओली र चीनियाँ राजदुत यान्छीबीच रातमा भेटवार्ता , भेटमा के के भयो ?

टुडेपाटी

काठमाडौँ, मंसिर ३ गते ।

नेकपा विवादमा फेरि चीनले हस्तक्षेप गर्न आफ्नो सक्रियता बढाएको छ ।

पार्टी फुटको संघारमा पुगेकोबेला नेपालका लागि चिनियाँ राजदूत होउ यान्छीको सक्रियता पुनः बढाएकी हुन् ।

उनले मंगलबार राति प्रधानमन्त्री एवम् नेकपाका अध्यक्ष केपी शर्मा ओलीसँग भेटवार्ता गरेकी छन् । भेटवार्ता प्रधानमन्त्री निवास बालुवाटारमा करिब डेढ घण्टासम्म चलेको स्रोतले बतायो ।

यसअघि पनि आन्तरिक विवादका कारण झण्डै फुट नजिक पुगेको नेकपालाई जोगाउन राजदूत यान्छीले भूमिका खेलेको बताइन्छ ।

गत वैशाखको सचिवालय बैठकमा नेकपा नेताहरुले प्रधानमन्त्री ओलीको राजीनामा मागेपछि विवाद उत्कर्षमा पुगेको थियो । त्यसबेला नेकपाका कार्यकारी अध्यक्ष प्रचण्ड, ओली, माधव नेपाल लगायतका नेताहरुलाई अलग–अलग भेटवार्ता गरेकी थिइन् ।

अहिले फेरि चर्किएको नेकपा विवाद मिलाउन चिनियाँ राजदूतको सक्रियता बढेको छ । कतिपयले यसलाई आन्तरिक मामिलामा हस्तक्षेपको रुपमा लिने गरेका छन् ।