भारतमा पहिलोपटक समुद्री विमान सेवा सुरु, मोदीले गरे उद्घाटन

एजेन्सी

जनकपुरधाम, कार्तिक १५ गते ।

भारतीय प्रधानमन्त्री नरेन्द्र मोदीले देशकै पहिलो समुद्री विमान सेवाको उद्धघाटन गरेका छन् ।

गृहनगर गुजरातको भ्रमणमा रहेका मोदीले शनिवार यो विमान सेवाको सुरुवात गरेसँगै केवडिया र साबरमतिबीचको २ सय २० किलोमिटरेको दूरी अब ४० मिनेटमा पार गर्न सकिने भएको छ ।

प्रधानमन्त्री मोदीले विमानसेवाको उद्घाटन लगत्तै अपरान्ह १ बजे केवडियाबाट उडान गरेका थिए । गुजरातको नर्मदा जिल्लामा अवस्थित सो परियोजना मोदीले लिएको महत्वाकाँक्षी परियोजना थियो ।

भारतीय जनताका लागि समुद्री विमानमार्फत सुविधा प्रदान गर्ने मोदीको यो ड्रिम प्रोजेक्ट हो । उक्त विमानमा सवार हुने यात्रुले १५ सय भारु भाडा तिर्नुपर्ने हुन्छ ।

उक्त विमानको वजन ३३ सय ७७ किलो रहेको छ भने फ्युल क्यापेसिटी १४ सय १९ लिटर रहेको छ । त्यस्तै लम्बाई १६ मिटर रहेको छ भो उचाई ६ मिटर रहेको छ । विमानको फ्युल पावर २७२ लिटर प्रतिघण्टा रहेको छ । उक्त विमानले ५६७० किलोग्राम सम्मको वजन बोक्न सक्ने जनाइएको छ ।