आज ३ हजार ४३९ संक्रमित थपिए, २५ हजार बढी सकृय संक्रमित

टुडेपाटी-

जनकपुरधाम, असोज २१ गते ।

आज नेपाल अहिलेसम्मकै ३ हजार ४ सय ३९ जनामा कोरोना भाइरस (कोभिड-१९) को संंक्रमण पुष्टि भएको छ ।

१४ हजार २ सय ९ जनाको पीसीआर गर्दा ३ हजार ४ सय ३९ जनाको रिपोर्ट पोजिटिभ आएको हो । योसँगै कुल संक्रमितको संख्या ९४ हजार २ सय ५३ पुगेको छ ।

स्वास्थ्य तथा जनसंख्या मन्त्रालयका अनुसार सक्रिय संक्रमितको संख्या २५ हजार ७ पुगेको छ । गत २४ घण्टामा १ हजार १ सय २६ जना डिस्चार्ज भएका छन् । योसहित डिस्चार्ज हुनेको संख्या ६८ हजार ६ सय ६८ पुगेको छ । 

त्यस्तै, बुधबार १५ संक्रमितको मृत्यु भएको छ । योसँगै कोरोनाबाट मृत्यु हुनेको संख्या ५ सय ७८ पुगेको छ ।