नवनिर्वाचित राष्ट्रियसभा सदस्यको शपथ फागुन २१ गते हुने

टुडेपाटी-
काठमाडौं, फागुन १३ गते ।

केही दिन अगाडि सम्पन्न निर्वाचनबाट निर्वाचित राष्ट्रियसभा सदस्यको शपथ फागुन २१ गते हुने भएको छ ।

राष्ट्रियसभाका अध्यक्ष गणेशप्रसाद तिमिल्सिनाले बानेश्वरस्थित संघीय संसद् भवनको, लोत्से सभाहलमा यही २१ गते नवनिर्वाचित सदस्यहरुलाई सपथ गराउने भएका छन् ।

‘आ-आफ्नो पहिचान झल्कने औपचारिक पोसाकमा निर्वाचन आयोगबाट प्राप्त राष्ट्रियसभा सदस्य पदको प्रमाणपत्र एवं नागरिकता प्रमाणपत्रको सक्कल तथा प्रतिलिपिसहित’ नवनिर्वाचित सदस्यलाई उपस्थित हुन अनुरोध समेत गरिएको छ।

कुनै नवनिर्वाचित सदस्यले आफ्नो मातृभाषामा सपथ लिन चाहेमा तीन दिन अगावै जानकारी गराउन पनि महासचिव मनोहरप्रसाद भट्टराईले जारी गरेको सूचनामा भनिएको छ।