मेयर साहको कारण जनकपुरले गुमायो ३ करोडको सरसफाई सामग्री

सुभाष कर्ण-
जनकपुरधाम, फागुन १२ गते ।

जनकपुरधाम उपमहानगरपालिकाका मेयर लालकिशोर साहको व्यक्तिगत स्वार्थका कारण उपमहानगरपालिकाले नगरको सरसफाईका लागि अनुदान वापत पाउने तीन करोड मूल्य बराबरको सरसफाई सामाग्री अवसर गुमाएको छ ।

प्राप्त जानकारी अनुसार एडीबीको ऋण सहयोगमा संचालित आईडीयूपी परियोजना अन्तर्गत परियोजना सफल भएको अवसरमा अनुदान वापत तीन करोड मूल्य बराबरको जेसीबी, मोबाइल टयांकर, सेफ्टी टयांक र डस्टबीन लगायतका सामाग्री दिने एडीबीले उपमहानगरपालिका दिएको थियो ।

तर मेयर साहले व्यक्तिगत स्वार्थका राखेको अडानको कारण उपमहानगरपालिकाले समयमा प्रक्रिया पुरा गर्न नसकेको कारण त्यो अनुदान वापत आउने सामाग्री नगरको सरसफाईका पाउन सकेन ।

गत डिसेम्बर महिनामा सम्पन्न हुने सो परियोजना अन्तर्गत डिसेम्बर महिनाभित्र अनुदानका लागि कागजी प्रक्रिया पुरा गरेर पठाउन एडीबीले भनेको थियो । तर मेयर साहले व्यक्तिगत स्वार्थ खोज्दा उपमहानगरपालिकाले कागजी प्रक्रिया तोकिएको समयमा पुरा गर्न नसक्दा सो अनुदान वापतको सामाग्री आउन सकेन ।

आईडीयूपीका प्रमुख गंगा यादवले जनाए अनुसार एडीबीले अनुदान वापतको सामाग्रीका लागि मात्र ७ दिनको अवधि दिएको कारण प्रक्रिया पुरा हुन सकेन । उनले भने सो सामाग्रीका लागि तात्कालिन उपमहानगरपालिका प्रशासकीय अधिकृत धर्मानन्द जोशीबाट सबै प्रक्रिया पुरा भई तीन पैकेजमा टेण्डर पनि निकाल्यो, विभिन्न सेवा प्रदायक संस्थाले टेण्डर पनि भरे ।

सबै प्रक्रिया पुरा गरी विभागमा स्वीकृतिका लागि कागजात पठाइएपछि ढिलो भएको कारण अनुदान रकम स्वीकृत हुन सकेन उनको भनाई छ ।

श्रोतका अनुसार अनुदान प्रक्रिया पुरा गर्न बोर्ड बैठकबाट निर्णय त भयो । तर त्यो मेयर साहको व्यक्तिगत स्वार्थका कारण समयमा निर्णय हुन सकेन । ढिलो गरी नै आईयूडीपीमा बोर्ड बैठकको निर्णय पठाइएको थियो । अनुदान प्रक्रियाका लागि समयावधि छोटो रहेको भनी तात्कालिन अधिकृत जोशीले झकझकाउंदा पनि उनी व्यक्तिगत स्वार्थका लागि समयमा बोर्ड बैठक निर्णय गराएन ।

श्रोतका अनुसार मेयर साहले आफू अनुकुल व्यक्तिलाई टेण्डर दिन नभए अन्यलाई दिइएमा कमीशनको लागि राखेको कुराको विवादले बोर्ड बैठक र टेण्डर प्रक्रियामा ढिलाई भएको थियो । स्मरणीय के छ भने उपमहानगरपालिकाका अधिकांश टेण्डर मेयर साहले आफू अनुकुल आफ्ना भान्जा अरुण साहलाई दिलाउंदै आएको छ ।

अनुदान वापत मोबाइल टयांकर ६ वटा, सेफ्टी टयांकर २, जेसीबी १, टयाक्टर १० र डस्टपीन ३ सय वटा गरी तीन करोड मूल्य बराबरको सामाग्री एडीबीले दिने थियो । तर मेयर साहको व्यक्तिगत स्वार्थका कारण उपमहानगरपालिकाले सो अवसर गुमाएको छ ।