सिरहामा १७० सहित प्रदेश २ मा थपियो २५१ जना संक्रमित

टुडेपाटी-
जनकपुरधाम, भदौ ३० गते ।

पछिल्लो २४ घण्टामा प्रदेश २ मा २ सय ५१ जनामा कोरोना संक्रमण पुष्टि भएको छ । योसँगै प्रदेश २ मा कुल संक्रमितको संख्या १२ हजार २ सय ७० पुगेको छ ।

आज थपिएका संक्रमितमध्ये सबैभन्दा बढी एक सय ७० जना सिरहाका मात्रै हुन् ।

प्रदेश २ का समाजिक विकास मन्त्रालयका अनुसार सिरहामा कारागारका १ सय ४८ जना कैदीवन्दीसहित १ सय ७०, सप्तरीमा ४३ जना, धनुषामा ४ जना, महोत्तरीमा ७ जना, रौतहटमा २३ जना, बारामा ४ जनामा संक्रमण पुष्टि भएको छ ।

संक्रमित थपिएसँगै सिरहामा कूल संक्रमितको संख्या ८ सय ८१, सप्तरीमा १ हजार ५८, धनुषामा १ हजार ८ सय ५४, महोत्तरीमा १ हजार ३ सय ९९, सर्लाहीमा १ हजार ८ सय ३७, रौतहटमा १ हजार ७ सय ८५, बारामा १ हजार ४३ र पर्सामा २ हजार ४ सय १३ जना संक्रमित पुगेको छ ।  

त्यस्तै, मंगलबार यस प्रदेशमा १ सय ८१ जना संक्रमित निको भएर घर फर्केका छन् । योसँगै निको हुनेको संख्या ६ हजार ५ सय ८३ पुगेको छ । संक्रिय संक्रमितको संख्या ५ हजार ५ सय १९ पुगेको छ ।

मंगलबार मृत्यु हुनेमा बारा जिल्ला डुबरबना नगरपालिका १४ कि ५५ वर्षीया महिला छन् । योसँगै प्रदेश २ मा १ सय १२ जनाको संक्रमणबाट मृत्यु भइसकेको छ ।