धनुषा र महोत्तरीको सीमा नाकाको डीआइजी ब्रम्हाचार्यले गरे निरीक्षण, कडाइ गर्न निर्देशन

टुडेपाटी-
जनकपुरधाम, भदौ १९ गते ।

सशस्त्र प्रहरीका डिआइजी कृष्णभक्त ब्रम्हाचार्यले धनुषा र महोत्तरीको सीमानाकाहरुको निरीक्षण गरेका छन् । सीमा सुरक्षा पोस्टहरुको निरीक्षण गर्दै उनले कोरोना संक्रमण समुदायस्त्तरमा फैलिदै गएकाले विगतमाझै सीमामा हुने आवत जावतलाई कडाई गर्न मातहतका प्रहरी अधिकारीलाई निर्देशन दिएका हुन् ।

डिआईजी ब्रम्हचार्यले कोरोना संक्रमणको असर र सम्भावित क्षति एवं नागरीक र सुरक्षाकर्मीले अवलम्वन गर्नुपर्ने सुरक्षात्मक उपायहरुको वारेमा समुदायस्तरमा सचेतनामुलक कार्यक्रम संचालन गर्न समेत निर्देशन दिए ।

लकडाउनमा राज्यले तोकेका सीमानाकाबाट औपचारीक रुपमा नेपाल प्रवेश गरेकाहरुको कन्ट्याक्ट ट्रेसिंगमा ध्यान दिँदै त्यस्ता व्यक्तिहरुको खोजिगरी क्वारेन्टिन तथा आईसोलेशनमा राख्न सरोकारवालालाई सहयोग गर्न आग्रह गरे ।

सुरक्षा निकायहरु एवं छिमेकी मुलुकका समकक्षी सुरक्षाकर्मीहरुसँग निरन्तर सम्पर्क समन्वय र आवश्यक सहकार्य गरी सुरक्षा नागरिक समन्वयात्मक रुपमा कार्य गर्न पनि उनलले निर्देशन दिए ।

महोत्तरीमा ३८.४६ किलोमिटर नेपाल भारत सीमामा सशस्त्र प्रहरीका ६५४ जना जनशक्ति परिचालित छन् । अनाधिकृत आवत जावतलाई रोक्न मुख्य नाकाहरुको अलावा ७ वि.ओ.पि. सहित जिल्लाको सकरी, मधबा र कट्टीमा थप ३ फर्वाड अव्जरभेसन पोष्ट राखिएको छ भने २ वटा स्थापनाको क्रममा छ ।