धनुषामा ७१ सहित प्रदेश २ मा संक्रमितको संख्या १० हजार नाघ्यो

टुडेपाटी-
जनकपुरधाम, भदौ १४ गते ।

प्रदेश २ मा आइतबार कोरोना संक्रमितको संख्या बढे सँगै प्रदेशमा कुल संक्रमितको संख्या १० हजार नाघेको छ । आज विभिन्न जिल्ला गरी प्रदेश २ मा २२७ जना संक्रमित थपिएका छन् ।

आइतबार धनुषामा सबभन्दा बढी  ७१ जना, महोत्तरीमा ३५ जना, सिरहा २ जना, बारा ३० जना, पर्सा ४९ जना, सर्लाही ३५ जना, सप्तरी ४ जना र  रौतहटमा १ जना संक्रमित फेला परेको समाजिक विकास मन्त्रालयका जनस्वास्थ्य प्रशासक विजय झाले जानकारी दिए ।

योसंगै प्रदेश २ मा कोरोना संक्रमितको संख्या १० हजार २२ पुगेको छ । 

यस्तै पछिल्लो २४ घण्टामा यस प्रदेशमा १९ जना महिला सहित ११४ जना उपचार पश्चात कोरोना मुक्त भएका हुन् ।