कोरोनाबाट शनिबार थप १२ जनाको मृत्यु, संक्रमितको संख्या ३७ हजार ३४० पुग्यो

टुडेपाटी-
जनकपुरधाम, भदौ १३ गते ।

शनिबार नेपालमा कोरोना संक्रमणबाट थप १२ जनाको मृत्यु भएको छ ।

स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता प्राडा जागेश्वर गौतमले देशभर गरेर थप १२ जना कोरोना संक्रमितको मृत्यु भएको छ ।

मृत्यु हुनेमा ३ महिला र ९ जना पुरुष रहेका छन् ।

योसँगै नेपालमा कोरोनाका कारण मृत्यु हुनेको संख्या २०७ पुगेको छ ।
त्यस्तै पछिल्लो २४ घण्टामा थप ८८४ जनामा कोरोना भाइरस संक्रमण पुष्टि भएको छ । संक्रमितमध्ये २४२ महिला र ६४२ पुरुष रहेका छन् ।

यससँगै कुल संक्रमितको संख्या ३७ हजार ३४० पुगेको छ ।

प्रवक्ता गौतमका अनुसार नेपालमा सक्रिय संक्रमितको संख्या १६ हजार ५७८ रहेको छ ।

पछिल्लो २४ घण्टामा ११ हजार ५१६ जनाको पीसीआर विधिबाट स्वाब परीक्षण गरिएको थियो ।

त्यस्तै पछिल्लो २४ घण्टामा नेपालमा थप ३१३ जना कोरोना संक्रमित निको भएका छन् । योसँगै निको हुनेको संख्या २० हजार ५५५ पुगेको छ ।