महोत्तरीमा ३ सहित प्रदेश २ मा कोरोनाबाट थप ५ जनाको मृत्यु

टुडेपाटी-
जनकपुरधाम, भदौ १२ गते ।

पछिल्लो २४ घण्टामा प्रदेश २ मा कोरोना संक्रमणबाट पाँच जनाको मृत्यु भएको छ । शुक्रबार महोत्तरीमा ३ जना, सिरहा र बारामा १।१ जनाको कोरोना संक्रमणबाट मृत्यु भएको हो ।

महोत्तरीको मनरा सिस्वा नगरपालिका ४ का ३७ वर्षीय एक पुरुष, सोही नगरपालिका वडा नम्बर ५ का ७४ वर्षीय एक बृद्ध र भङ्गहा नगरपालिका २ सिङ्गयाहीका ६० वर्षीय एक पुरुषको कोरोना संक्रमणबाट मृत्यु भएको समाजिक विकास मन्त्रालयका जनस्वास्थ्य प्रशासक विजय झाले बताए ।

यस्तै, सिरहाको लहान नगरपालिका ९ का ६५ वर्षीया एक महिला र बाराको जीतपुरसिमरा उपमहानगरपालिका २ का ७७ वर्षीय एक बृद्धको संक्रमणबाट मृत्यु भएको झाको भनाइ छ ।
योसँगै प्रदेश २ मा कोरोना संक्रमणबाट मृत्यु हुनेको संख्या ७७ पुगेको छ ।

अहिलेसम्म प्रदेश २ को पर्सा सबैभन्दा बढी ३० जना, बारामा १३ जना, धनुषामा १२ जना, सप्तरी र सिरहामा ५र५ जना, महोत्तरीमा ६ जना, सर्लाहीमा र रौतहटमा ३र३ जनाको मृत्यु भएको बताइएको छ ।
यसअघि बिहीबार पनि प्रदेश २ मा ८ जनाको मृत्यु भएको थियो ।