धनुषामा ३८ सहित प्रदेश २ मा मंगलबार थपिए १६४, कहाँ-कहाँ थपिए ? (विवरण)

टुडेपाटी-
जनकपुरधाम, भदौ ९ गते ।

प्रदेश २ मा पछिल्लो २४ घण्टामा २६ महिलासहित १६४ कोरोना संक्रमित थपिएका छन् । सबभन्दा सर्लाहीमा ५० जना, धनुषामा ३८ जना, महोत्तरीमा १७ जना, सिरहामा १५ जना, बारामा १७ जना, रौतहटमा २६ जना र पर्सामा १ जनामा कोरोना पुष्टि भएको समाजिक विकास मन्त्रालयले जनाएको छ ।

योसंगै प्रदेश २ मंगलबारसम्म कोरोना संक्रमितको संख्या ९ हजार १८१ जना पुगेको छ । पछिल्लो २४ घण्टामा यस प्रदेशको विभिन्न अस्पतालबाट उपचार पश्चात ७ जना महिलासहित ५६ जना कोरोना मुक्त भएर डिस्चार्ज भएको समेत समाजि विकास मन्त्रालयका बरिष्टि चिकित्सक डा. कमलेश यादवले जानकारी दिए ।

यस्तै पछिल्लो २४ घण्टामा यस प्रदेशमा महोत्तरी र सिरहामा २ जनाको कोरोना संक्रमणबाट मृत्यु भएको छ । सिरहाको लहान नगरपालिका १२ का २२ वर्षीय युवक र महोत्तरीको बलवा नगरपालिका ३ का ७२ वर्षीय पुरुषको कोरोना संक्रणबाट मृत्यु भएको मन्त्रालयले पुष्टि गरेको छ । यससंगै प्रदेश २ मा हालसम्म कोरोना संक्रमणबाट मृत्यु हुनेको संख्या ६४ पुगेको मन्त्रालयले जनाएको छ ।