प्रदेश २ मा थप १८९ जनामा कोरोना पुष्टि, कहाँ- कहाँ थपिए (विवरण सहित)

टुडेपाटी-
जनकपुरधाम, भदौ ६ गते ।

प्रदेश २ मा शनिबार २५ महिला सहित १८९ जना कोरोना संक्रमित थपिएका छन् । धनुषामा २१, महोत्तरीमा २४, सिरहामा ३४, बारामा ३५, पर्सामा ५७, सर्लाहीमा ११, रौतहटमा २ र सप्तरीमा ५ जनामा कोरोना संक्रमण पुष्टि भएको समाजिक विकास मन्त्रालय प्रदेश २ का जनस्वास्थ्य प्रशासक विजय झाले जानकारी दिए ।

यो संगै प्रदेश २ मा कोरोना संक्रमितको संख्या ८ हजार ५२० पुगेको छ ।
यस्तै पछिल्लो २४ घण्टामा उपचार पश्चात् निको भएर ५९ पुरुष र ७३ महिलासहित १३२ जना डिस्चार्ज भएको समाजिक विकास मन्त्रालयले जनाएको छ ।

यस्तै पछिल्लो २४ घण्टामा यस प्रदेशमा कोरोना संक्रमणबाट ३ जना पुरुषको मृत्युु भएको पुष्टि भएको छ । पर्सा वीरगन्जका ५८ र ६१ वर्षका २ पुरुष र सिरहा मिर्चैया नगरपालिका ४ का ६८ वर्षीय पुरुषको कोरोना संक्रमणबाट मृत्युु भएको समाजिक विकास मन्त्रालयले पुष्टि गरेको छ ।