नेपालमा कोरोना संक्रमितको संख्या ३० हजार नाघ्यो
टुडेपाटी-
जनकपुरधाम, भदौ ५ गते ।
नेपालमा शुक्रबार थप ८३८ जनामा कोरोना भाइरस संक्रमण भएको पुष्टि भएको छ । योसँगै देशभर कुल संक्रमितको संख्या ३० हजार ४८३ पुगेको छ ।
स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता प्रा डा जागेश्वर गौतमले देशभरका विभिन्न प्रयोगशालामा गरिएको परीक्षणमा थप ८२८ जनामा कोरोना भाइरस संक्रमण देखिएको जानकारी दिए ।
यीमध्ये १२ हजार १३२ जना सक्रिय संक्रमित छन् । सक्रिय संक्रमितमध्ये ८ हजार ५४६ संस्थागत आइसोलेसनमा रहेका छन् भने ३ हजार ५८६ जना होम आइसोलेसनमा रहेका छन् ।
आज १३ हजार ५८९ जनाको पीसीआर विधिबाट कोरोना परीक्षण गरिएको छ । ५ लाख ७९ हजार ८९९ जनाको पीसीआर विधिबाट कोरोना कोरोना परीक्षण गरिएको मन्त्रालयको तथ्यांक रहेको छ । १२ हजार २३४ जना क्वारेन्टाइनमा रहेको मन्त्रालयले जनाएको छ ।
Sponsored