नेपालमा अहिलेसम्मकै धेरै कोरोना संक्रमित थपिए, संक्रमितको संख्या २८ हजार २७५ पुग्यो

टुडेपाटी-
जनकपुरधाम, भदौ २ गते ।

नेपालमा पछिल्लो २४ घण्टामा थपिएका कोरोना संक्रमतिको संख्या अहिलेसम्मकै धेरै जनामा थपिएका छन् । स्वास्थ्य तथा जनसंख्या मन्त्रालयका अनुसार मंगलबार १ हजार १६ जनामा कोरोना भाइरसको संक्रमण पुष्टि भएको हो ।

मंगलबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमका अनुसार योसँगै नेपालमा कोरोना संक्रमितको संख्या २८ हजार २५७ पुगेको छ ।

प्रवक्ता गौतमका अनुसार आज १३ हजार ४६१ जनाको पीसीआर विधिबाट नमूना परीक्षण गरिएको थियो ।

त्यस्तै पछिल्लो २४ घण्टामा थप ८५ जना कोरोना संक्रमित उपचारपछि निको भएर घर फर्केका छन् । यसँगै नेपालमा कोरोना निको हुनेको संख्या १७ हजार ५८० पुगेको छ ।