कोरोनाबाट मृत्यु हुनेको संख्या २१ सय नाघ्यो, विश्वमा ७६ हजारबढी संक्रमित

एजेन्सी-

काठमाडौंं, फागुन ८ गते ।

चीनको वुहानबाट सुरु भएको कोरोना भाइरसका कारण विश्वभर २ हजार १ सय २० जनाको मृत्यु भएको छ। 

हुबेईका स्वास्थ्य अधिकारीहरुका अनुसार चीनमा मात्रै उक्त रोगको संक्रमणका कारण २ हजार १ सय १२ जनाको मृत्यु भएको छ। बुधबारमात्रै उक्त प्रान्तमा १०८ जनाको मृत्यु भएको छ। 

हङकङ र इरानमा २–२ जनाको मृत्यु भएको छ भने ताइवान, जापान, फिलिपिन्स र फ्रान्समा १–१ जनाको मृत्यु भएको छ। विश्वभर संक्रमितको संख्या ७६ हजार २ सय ६२ पुगेको छ। चीनबाहिरका मुलुकमा संक्रमितको संख्या १ हजार नाघेको छ।