सिन्धुपाल्चोक पहिरो अपडेट : ५ जनाको शव निकालियो, पहिरोमा पुरिएका ३३ जना अझै बेपत्ता

टुडेपाटी-

काठमाडौँ, साउन ३० गते ।

सिन्धुपाल्चोकको जुगल गाउँपालिका–२ लिदीमा शुक्रबार बिहान गएको पहिरोमा परी मृत्यु भएका ५ जना को शव निकालिएको छ ।

पहिरोमा परेर पुरिएका अझै ३३ जना बेपत्ता रहेको सिन्धुपाल्चोक प्रहरी प्रमुख एसपी प्रज्वल महर्जनले जानकारी दिए ।

उनका अनुसार मृतकहरुको अहिलेसम्म सनाखत भइसकेको छैन् ।

प्रहरी, नेपाली सेना र स्थानीयको सहयोगमा उद्धार कार्य अगाडि बढीरहेको उनले जानकारी दिए।

शुक्रबार बिहान घरमाथिबाट आएको पहिरोले लिदीका ३७ घर पुरेको छ। पहिरोमा परेर ३८ जना बेपत्ता भएकोमा पाँच जनाको मात्रै शव भेटिएको हो।