प्रदेश २ मा कोरोनाबाट पछिल्लो २४ घण्टामा ६ जनाको मृत्यु, १५१ संक्रमित थपिए

टुडेपाटी-
जनकपुरधाम, साउन २९ गते ।

प्रदेश २ मा धनुषामा २८ सहित पछिल्लो २४ घण्टामा थप १५१ जना संक्रमित फेला परेका छन् । पर्सामा ३९, धनुषामा २८, महोत्तरीमा २३, रौतहटमा २१, बारामा २०, सप्तरीमा १२, सर्लाहीमा ५ र सिरहामा ३ जना संक्रमित फेला परेका स्वास्थ्य निर्देशनालयका बरिष्ट अधिकृत विजय झाले जानकारी दिए ।

यो संगै प्रदेश २ मा ६ हजार ४२८ पुगेको छ ।

यस्तै पछिल्लो २४ घण्टामा यस प्रदेशमा कोरोनाबाट ६ जनाको मृत्यु भएको छ । निर्देशनालयका बरामा पछिल्लो २४ घण्टामा चारजनाको कोरोना संक्रमणबाट मृत्यु भएको छ । बराका ७८,३८,६५ र ५० वर्षका पुरुष छन् । जस मध्ये एकजना वेवारिशे शवमा समेत कोरोना संक्रमण पुष्टि भएको छ ।
यस्तै धनुषाका ७० वर्षीय पुरुष, ६५ वर्षीय एक महिला रहेको निर्देशनालयले जनाएको छ ।

भुल सुधार : पछिल्लो २४ घण्टामा मृतकको संख्या ६ हुनुपर्नेमा भुलबस ८ उल्लेख भएकोले समाचार सच्याइएको छ ।