महोत्तरीमा थपिए ९ महिलासहित २० कोरोना संक्रमित

टुडेपाटी-
महोत्तरी, साउन २९ गते ।

महोत्तरीमा बिहीबार ९ महिलासहित २० जनामा कोरोना संक्रमण पुष्टि भएको छ । सबभन्दा बढी जलेश्वर नगररपालिका भित्रका १७ जनालाई संक्रमण पुष्टि भएको हो ।

यस्तै बर्दिबास नगरपालिका, समसी गाउँपालिका र लोहार्पट्टी गाउँपालिकाका १।१ जनामा कोरोना संक्रमण देखिएको जिल्ला स्वास्थ्य कार्यालय महोत्तरीका सूचना अधिकारी गिरेन्द्रकुमार झाले जानकारी दिए ।

Sponsored

यो संगै महोत्तरीमा कोरोना संक्रमितको संख्या एक हजार ३८ पुगेको छ । जस मध्ये ६१ जना महिला छन् । संक्रमित मध्ये हालसम्म महोत्तरीमा दुईजनाको मृत्यु भइसकेको छ ।