बलात्कार आरोपमा एसएसपी अधिकारी पुर्पक्षका लागि जेल चलान

टुडेपाटी-
काठमाडौं, साउन २७ गते ।

बलात्कार आरोपमा सशस्त्र प्रहरीका बरिष्ठ उपरीक्षक (एसएसपी) राजेन्द्र कुमार अधिकारी पुर्पक्षका लागि जेल चलान भएका छन् ।

जिल्ला अदालत कास्कीका न्यायाधीश दीपककुमार खरेलको इजलासले अधिकारी पुर्पक्षका लागि जेल चलान भएका हुन् ।

अधिकारीमाथि एक युवतीलाई आफ्नो क्वाटरमा खाना खान बोलाएर बलात्कार गरेको आरोप छ । उनलाई जिल्ला प्रहरी कार्यालय कास्कीले ३१ असारमा पक्राउ गरेको थियो ।

अधिकारी पोखराको लामापाटनमा रहेको सशस्त्र प्रहरी बलको हुल तथा दंगा व्यवस्थापन तालिम शिक्षालयका प्रमुख थिए ।