प्रदेश २ मा कोरोना संक्रमितको संख्या ६ हजार नाघ्यो, २९ जनाको मृत्यु

टुडेपाटी-
जनकपुरधाम, साउन २७ गते ।

प्रदेश २ मा कोरोना संक्रमितको संख्या ६ हजार नाघेको छ । पछिल्लो २४ घण्टामा यस प्रदेशमा १७४ जना कोरोना संक्रमण पुष्टि भएपछि संक्रमितको संख्या ६ हजार ६८ पुगेको प्रदेश २ स्वास्थ्य निर्देशनालयका बरिष्ट अधिकृत विजय झाले जानकारी दिए ।

पछिल्लो २४ घण्टामा विभिन्न प्रयोगशालामा भएको पीसीआर परिक्षणमा पर्सामा ६५ जना, रौतहटमा ४० जना, सर्लाहीमा २१, धनुषामा १८ जना, महोत्तरमिा १० जना, सिरहामा ९ जना, बारामा ७ जना र सप्तरीमा ४ जनामा कोरोना संक्रमण पुष्टि भएको प्रदेश २ स्वास्थ्य निर्देशनालयले जनाएको छ ।

Sponsored

प्रदेश २ को धनुषामा साेमबार राति एकजना ६० वर्षीय संक्रमितको उपचारको क्रममा प्रादेशिक अस्पताल जनकपुरमा मृत्यु भएको छ । ती संक्रमितसंगै यस प्रदेशमा कोरोनाबाट मृत्यु हुनेको संख्या ३० पुगेको छ ।